عملوها الكلاب

موضوع: عملوها الكلاب الأحد فبراير 24, 2008 1:57 pm

فعلا الواطى هايفضل طول عمره واطى
بس محدش يقلق انا عارف هاتصرف ازاى
طبعا كله مستغرب ده داخل فينا شمال كده ليه وبيعمل كده ليه (مش عاجبكم ولا ايه ده انا ابن صاحب المنتدى يعني باشارة منى بابا يجي يضربني قلمين ويقولي بطل لعب عيال ويقولي قوم روح)
انا هافهمكم الحوار
الكلام ده حصل من تسعة وتسعين سنة
كنت شابة محترم وهادئة ومفيش اي حاجة تدل على انى هاطلع متشردة كنت راجعة من المدرسة (تخيلوا كنت في يوم طالبة وبروح بالزمزمية والمريلة وكيس السندوتشات) وطلعت بيتنا (حاجة عادية كل الاطفال بتعملها) وقلعت الكوتشي وهنا كانت المشكلة (مش قصدي على ريحة الكوتشي يا كلاب)
كانت اول مرة في حياتي اقلع الكوتشي واسيبه برا الشقة ويا ريتني ما عملتها هى خمس دقايق بس روحت اغسل وشي واغير هدومى علشان ورايا درس (المدرس اسمه احمد عبد الفتاح بيلهف 180 جنيه منى ومن صحابى في الحصة الواحدة -ياريت الحكومة تاخد بالها-) وسلمت على اللى في البيت وبفتح الباب
وكانت مأساة ........ الكوتشي فين الكوتشي؟؟ مفيش يا عم انا كنت سايبه هنا, مفيش حاجة ..يا با دور كويس مش لاقيه ده الكوتشي الوحيد اللى عندى...مفيش بردوة اي حاجة
انا ...انا... واعوذ بالله من كلمة انا , اتسرق في عقر داري
ليه عبيطة يقولوا عليه في البلد ايه
وباعلى صوتى صرخت وقولت انا اتجلبت
وهنا ظهرت علامات التشرد وديه كانت اول نقطة تحول في حياتي
اول حاجة من الاعراض ظهرت علي كانت ان وشي احمر وجاب الوان وقعدت اطلع دخان وحالة جرب رهيبة ( اه سوري حالة الجرب ديه كانت من الاول) ولفيت في نص العمارة وزعقت
واسمع بقي يا سيدي
ريري : انتوا يا عالم يا غجرررررررررررررررررررررر
العمارة في صوت واحد: عايزة ايه يابت
ريري : الكوتشي فين يا معفنينننننننننننننننن (وياريتني ما قولتها) لاقيت الف كوتشي فوق دماغى والعمارة بتقول خشي نامي يابت
ريري : والله ما اسيبكم انتوا فاكرينها سهلة ده انا ابويا يعرف مخبر ابن صرمة ايده قد دماغكم يعني الاعتراف هايكون على ودنه
العمارة : ولا لو ما سكتش هانعمل معاك الصح
انا انا يتعمل معايا الصح قولت لا مش باين عليهم نهار النهاردة
وبدأت حبة ردح مصري من اللى قلبكم يحبهم وانتوا يا ولاد كذا يا معفنين يا زبالة الشوارع يا عمارة جرابيع واخر كلمة فاكرها قبل الحادثة والله لاحط السيخ المحمى في ....
وطاااااااااااااااااااااااااااخ
قفا محترم من الحاج
مع انى كنت هاقول السيخ المحمى في صرصور ودنكم (الحاج تفكيره مش ولابد)
وطبعا انا مسكتش روحت رايحة الدرس
انا على اخر الزمن اروح الدرس بشبشب وكله يقعد يبصلي على صباع رجلى الكبيروحلفت من بعدها انا اجيب كوتشي استبن واعلم العمارة ديه الادب
وده كان اول مشوار فشل ليه وبدأت انحرف من شم صوابع رجلين لسرقة شباشب من قدام الجامع على حاجات خطيرة ما انصحش حد يعملها لان الضرر بتاعها كبير
بس انا صممت انى انحرف واجيب الكلاب اللى عملوها
وما زال البحث مستمرا