نكت جديدة

موضوع: نكت جديدة الإثنين يناير 28, 2008 5:57 pm

بسم الله الرحمن الرحيم

جبتلكم النهاردة حبة نكت يارب تعجبكم

في واحد دلوع أوي ، دخلوه أهله الجيش ، سأله القائد : تعمل إيه لو قابلت العدو .. قال : ارمي السلاح في وشه و اقولوا أكرهك أكرهك أكرهك

واحد بيقول لصاحبه تيجى نركب اتوبيس؟؟ قال له : يا عم لأ ، احنا نجرى جنب الاتوبيس ونوفّر النص جنيه .... فرد وقال له طب منجرى جنب تاكسى ونوفّر خمسة جنيه

واحد يهودي قام من النوم الصبح وطلب من مراته تحضر الفطار، فقالتله عايز تفطر إيه يا أبو كوهين، قالها هما بيضتين مسلوقين، واحد ليكي والتانية ليا، وإعمليهم لغاية ما أطلع على السطوح أظبط الإيريال.... وإوعي تنسي هما بيضتين ، المهم طلع على السطوح إتزحلق ، وقع من عاشر دور، وهو بيقع زعق بعلو صوته " بيضة واحدة بس يا أم كوهيييييييييييييين "

كان فى مسابقة بين ثلاثة أشخاص , المسابقة كانت إنهم يعدوا البحر ويطلعوا الجبل و يقتلوا الغوريلا و يتجوزوا الأميرة ... اول واحد غرق فى البحر ، ثانى واحد عدا البحر لكن وقع من فوق الجبل.... أما الثالث (كان غبى شوية) عدا البحر وطلع الجبل وقتل الأميرة ..... و أتجوز الغوريلا

مرة واحد بيقولوا له .... مراتك ماشيه مع كهربائي المنطقه .... قال لهم ده ولا كهربائي ولا بيفهم حاجه في الكهربه !!!

واحد نازل من بيتهم شعره منكوش صاحبة بيقولولة شعرك منكوش قالهم "منكوش" دعوه

دكتور بيطري بيقول لمراته انا بهيم في حبك قالتله وانا ماقدرش ارفسلك طلب

بيقولوا لجحا ... الحق يا جحا تعبان دخل غرفة مراتك ...فقال لهم : سيبوه يستاهل

عرض سارى ..... لوكاندة المفاجات ... تنام على السرير ب 10 جنيه .. تنام على البلاط ب 3 جنيه ..... تنام عليك حيطة .. على حساب الاوتيل

ولد مغلّب مدرس الجغرافيا معاه ليه؟؟؟؟؟؟؟ عاوز يعرف خط الاستواء ده كليك ولا موبينيل

الابن:بتعمل اية يا بابا؟؟ الاب:بكتب جواب لعمك...... الابن:هو انت بتعرف تكتب؟؟!!! الاب:يعني هو عمك اللي بيعرف يقرا

مره واحد راح لدكتور قاله انا عندى مرض النسيان يا دكتور .. نسيت مراتى ونسيت اولادى ......... .ايه ده انا ايه اللى جابنى هنا..!!!

مره واحد بيسأل صاحبه عارف ليه الدكتور بيخبي وشه وبيحط كمامه وهو داخل غرفة العمليات ؟؟؟ فقال له ليه ؟ قال له علشان محدش يعرفه من اهل المريض لو العمليه منجحتش

محشش راح للدكتور قاله الدكتور أنت لازم تعمل إشاعة..... خرج من الأوضة وقال الهرم وقععععع .. الهرم وقعععععععع

واحد كل ما يشوف متش كورة للفريق بتاعة . الفريق بتاعة يخسر .كل مرة على كدة . لحد ما فى يوم قرر انه ميتفرجش على كورة تانى . فكان فى يوم فى متش كورة للفريق بتاعة . و الفريق بتاعة جاب جون . جة يتفرج على الجون فى الاعادة الجون طلع كورنر

بطة راحت لبقال قالت له عندك سكر ؟؟ قال لها لا.. راحت له تاني يوم قالت له عندك سكر؟؟ قال لها لأ ، وعارفه لو جتيني تاني حدق رجليكي المفلطحه في الأرض... راحت له تاني وقالت له عندك مسامير؟؟ قال لها لأ .. قالت له طب عندك سكر
__________________

انا لله وانااليه راجعون اللهم اجرنى فى مصيبتى واخلفنى خيرا منها

لا اله الا الله ولا حول ولا قوة الا بالله

اللهم صلى على سيدنا محمد

موضوع: رد: نكت جديدة الجمعة فبراير 01, 2008 10:22 pm

ههههههههههههههههههههههه
مشكور جدا الفتي الذهبي علي النكت الجميلة دي

هههههههههههههههههههههههههههههههههههههههه

موضوع: رد: نكت جديدة الأحد مارس 23, 2008 8:54 pm

موضوع: رد: نكت جديدة الأحد مارس 30, 2008 2:47 pm

ههههههههههههههههههههههههههههههه

الف الف شكر على النكت